簡相日 @ Monalisa

27/3 去咗Monalisa 簡相喇~ 家姐見得閒又一齊去，　咁我同Kenneth出發前已經協議好, 最多攞財爺嗰6千大元嚟買相 (Kenneth 嗰份only, hehe), 於是就諗住以75張做 target 先，　唔＋coating 唔排板(我哋個package include 45 softcopies, 即係+30張倒)，真係影得好好先再諗!~

           

                          

          

準時2點去到, 見有2張U形sofa都吉咗, 心諗應該可以安排俾我地坐啦, 但係等咗陣, 竟然有2對遲過我哋嚟嘅新人都已被安排坐係U形sofa, 而我哋仲等緊...心知不妙...結果等多陣, 竟然被安排係側邊其中一部電腦度睇, 仲話冇放大功能...簡直想爆粗...結果同個sales 講一定要幫我哋轉去sofa位, 如果唔係就唔睇, 咁佢哋又一大輪借口, 話d 相load 咗係呢部腦就唔可以轉去第2部...好似當我傻仔咁, 攪到相都唔想睇, 即刻攞袋想走人...另一個 sales Vi Vi 見到話一有枱就安排俾我哋, 所以都係開始睇住先, 轉枱先放大睇清楚d!~

總共有成283張相呢, 同預期差唔多啦, d 相質素都好平均, 同埋多數都係靚嘅 (我覺得, hehe)! 睇咗一陣就可以轉枱喇, so good!~ 轉完枱就繼續睇相喇，不過d電腦嘅所謂放大功能都係唔掂。。。放完＝冇放。。。只係好過冇。。。

終於睇完全部嘅相一次，唔捨得要開始 cut 相喇。。。可能之前已經影過幾次嘅關係，我哋都 cut 得好狼心ga，仲 '不走回頭路', cut 咗就唔好睇返轉頭，以免後悔呢～第一輪成功cut 咗百幾張，得返130-140張倒啦。。。　好，又繼續cut !～　哈哈，唔知係咪係遊艇上面太哂'，Kenneth 竟然有一部份d相大細眼，所以佢又cut得好爽，仲話多得佢大細眼先唔使買咗多，俾佢吹脹。。。激死人，有d我都好鍾意ga ma。。。

又再 cut 多2 round， 終於剩返88張相， 都係大家鍾意嘅。。。如果減package即係加43張，如果買走softcopies only $118/pc = $5074, 都ok，　其實諗住再睇多次 d 單人相，　因為自己好似有成十幾張，　Kenneth 都係得5張倒。。。不過Kenneth見我好似out 得好苦咁，　所以就叫 Vi Vi 嚟計吓幾錢啦～　佢叫我哋簡咗油畫，3 個相架，簽名布d 相先，好啦。。。一輪努力下，終於攪掂。。。

咁佢見我哋咁多相，　就梗係sell d好鬼貴嘅排版相薄喇。。。買相錢再加15K(好似放80張)???12K (60張)??? 10K (50張)??? No la, 我去麗江影都係咁上下$，　人哋仲全包wor。。。直接同佢講 out 哂 budget。。。我哋唔要排版，唔要加大油畫，　咩都唔要。。。但係我哋嘅大相薄都係可以放20張相，　仲衰倒細相薄要係大相薄 d 相內簡。。。OMG。。。仲話如果d 相唔入相薄，　就算買相都唔會執相。。。其實唔執相都唔緊要，　叫 Kenneth 自己執都ok，　然後一人一句, 總之企硬唔入相薄啦!

Vi Vi 見我哋無動於衰, 帶點黑面咁就叫我哋簡咗放大相薄嗰 20 張相先, 如是者又攪一輪, 終於 ok 。。。但係相薄又唔包 coating。。。呢個知道嘅, 咁我哋都覺得唔coating 都好似冇咩問題, 又唔係放佢落水, 好似係 join package 嗰 sales 講嘅, 而家當然又另一番說法啦!~ 如果要, 又要 add 千零蚊 。。。

好, 慶慶地咁我哋又開始再cut相la 。。。Kenneth 好快又out 5張出嚟, 但當佢玩完之後, 我又好唔甘心咁救返2張 。。。自己都覺得自己好煩呢~ 而家total 變成85張~

咁Vi Vi 見我哋咁堅持, 就俾多個offer 我哋, 7k 包哂所有相softcopies, 大相薄20張相+ coating + 執相, 其他65張相分別入2本細相薄 + coating + 執相 。。。好, 又計吓條數先:

剩買相: $118 * 40 = $4720, 新offer: $7000

相差: $2280

都 ok 嘅, out  budget 少少。。。但唔駛執相又有coating 都ok..跟住係我死 'lur' 下 Vi Vi, 最終以$6500成交!!! 由2點幾玩到6點幾, 真係仲比影相仲累呢~４個月後先有得收貨呢～

總結成輯相費用, 使吓使吓都唔覺，　而家計返都幾'金'。。。成萬五銀有多, 希望d　成品ok啦～

下篇嘅相相會私有化喇～