影相日 @ Monalisa - Part 1 (私有化)

 

搞咗成大半年嘅 monalisa pre-wedding 5/3 終於都影完喇, 由8月落單, 12月改期到1月再改到3月...時間過得真係好快呢!!!

呢次影得比較認真 ga, 因為要俾多d 錢 ma, 哈哈!!! 好好彩, 天公造美, 只係室外影嘅時候都係有凍呀, 但係都好好玩, 同之前嗰d好唔同呢(因為唔使自己安排行程嘢ma)!~

之前已經同Sales Loura mark 咗 MUA Lilian 同埋Camman Edmond, 因為睇過好多Blog友對佢哋嘅Comment 都唔錯, 不過 Loura 都係講話會幫我 Mark, 但係如果有人俾錢Hold 就冇計喇...我都明嘅...但為咗慳錢 ($500 1個, 2個成千蚊...), 都要博一博喇! 咁係SALES打嚟 reconfirm 時間嘅時候, 我就問佢邊個係我哋嘅 MUA 同 Camman ...嘩, 真係同Lilian 同 Edmond 呀!!!超開心, 覺得慳返$1000, yeah!!!

約咗KITMAN神咁早8:15AM就係KLN TONG 攞花球, 佢仲帶埋囡囡出嚟呢, 囡囡好乖呀, 仲肯叫我姐姐呢~ 花球同襟花都好靚好新鮮呀, 仲有大量嘅頭花, 足夠做多個造型TIM呢!!  仲利用紙盒放好, 好方便攞呢, 真係唔該哂呢! 好彩星期6地鐵唔算多人, 都有位企, HAHA!~

急急腳就轉車到咗青衣城, 諗住快D食個早餐先入柏麗灣, 咁好彩仲撞到個舊大專同學係青衣返工, 傾咗陣, 都要 say goodbye，　沖去麥記食個靚早餐先！～

食完都9點2, 又表去搭車入柏麗灣喇, 去到差唔多9點半啦, 遲咗小小, 不過原來同我地一架車, 仲坐係我吔後面呢(相中黑衫者), 所以早都冇用啦!!!

 

幫我哋登記之後, 我哋就去大廳等喇, 天空都係蒙蒙的...

好無聊...影返d相先~

過咗一陣之後就去咗化妝喇, Lilian都好好, 我俾咗D造型佢都話冇問題, 仲俾咗d意見我呢! 好快就化完個妝, 然後就去換衫喇!~ 不過件衫其實好殘...希望影相唔覺啦~ Set 埋個頭, 都差不多11:30喇...Wow, 好滿意個妝同個頭呀!!! 唔該哂 Kitman 嘅靚花花 (連Lilian 都話唔捨得剪呀....)同 Lilian 嘅心機呢!!!

冇人理我哋...所以又影影影...造型一 :

之後今日o既助手阿健就同我哋傾吓d拍攝風格, 我就俾哂d reference 佢睇...心諗咩唔係攝影師同我哋傾嘅咩?? 原來 Edmond 已經悄悄地企咗係我哋後面喇~ 佢唔係好高, 帶住黑超, 著住皮褸...Cool 爆...仲聲都唔聲....都咪話唔驚...Lilian 就叫我哋唔駛驚, 話d 藝術家係咁喇喎...哈哈, 希望啦...

差不多12:00正式出發, 搭咗大半個鍾車, 終於到達第一站北潭涌郊野公園喇, 嘩...除咗件外衫又真係幾寒...開始嘅時候, 我地未 warm up ，　而 Edmond 都好用心咁教我哋擺 post, 原來佢都好 nice 嘅, 仲瞓哂地同我哋影相呢! 之後就落咗湖度影...超級Cold...硬著頭皮, 死就死啦...終於影完再轉車去搭快艇上郵輪喇!~

 

係碼頭等緊又影...哈哈, 後面嗰個就係Edmond 喇~

跟住就上咗郵輪, 不過可能星期6 旺d, 都有成5-6對新, 所以都要等吓!~ 就係等嘅時候, edmond 就好 nice 咁俾部相機我哋睇playback...嘩, 都唔錯喎, 男朋友就話呢次大煲...驚流血不止!~ 哈哈, 我話佢都傻嘅, 到時睇相先諗啦~ 睇睇吓仲撞倒個中學同學,  佢11月結婚, 真係橋, 又係影緊相, 好搞笑呢~

等咗陣可以埋喇, 連太陽伯伯都出嚟同我哋玩, 不過個天好光, 差d開唔到眼tim!~  影吓影吓好快又影完, 於是就坐返快艇出碼頭搭車返柏麗灣la!~