影相日 @ Monalisa - Part 2 (私有化)

 

返到柏麗灣都3點多, 我去換衫set 頭補妝, 而男朋友就去食嘢!~ 叫咗lilian幫我set咗個頭髮放係側邊嘅造型, 襯埋綠色毛毛頭飾, 唔錯呢! 不過Kenneth就話冇人理佢...要佢自己走去攞衫換呢...

又影吓先~

大約 4點 就去咗馬灣公園, 太陽伯伯都出咗嚟, 不過唔開心呀......因為公園正門面有個鍾嗰度同一個個綠色圈圈嗰度入唔到去, 因為有人行禮封咗場冇得入......所以我哋成 4 -5 對新人就係出面影喇，　唔大地方所以都要等吓！～

大約 4點9 我又去換衫同換頭飾補妝喇，　因為我要飛頭紗，　咁　Edmond　話冇理由著住俾晚裝飛...於是佢幫我同咗　Lilian　講俾我著件室內婚紗出沙灘喇~ 我哋帶咗d氣球做道具, Edmond　仲幫我哋吹d氣球呢, 真係好人~ 不過件所謂室內婚紗就...真係好殘...都唔係我個日嗰試件...唉...我見人哋嗰d好新ga...希望影相唔覺啦...

影咗一陣, 就返　studio, 影埋吊床, 水池就冇影因為又要濕水同唔太特別!~ 大約6點, 我又去換衫set 頭補妝　la, set 咗個有'邊'仔嘅頭, 用皇冠襯番頭紗, 感覺都幾好呀!!! Kenneth 都係冇人理呀, 成日行嚟行去攪攪震, 俾lilian話佢做咩咁痴'前'...攪到我都坐唔定, haha!~ 攪掂之後6點半倒, 又係去等埋位嘅影室內景時候...　Edmond 又俾d playback 我哋睇, 好開心呢~ 不過都未睇哂, 就要埋位喇...

影咗一d室內景之後, 我就去換最後一套衫同頭飾補妝喇!~ 最後套衫係紅黑色, 所以我就想用番d大紅玫瑰花, 唔好浪費ma, 但係又唔想用, 因為雖然靚但係又唔想同早上嘅頭飾太相似...正當十五十六嘅時候...Lilian　就好明白我嘅諗法, 佢照同我插花花, 而且仲係花花度塗上咗d銀色嘅閃粉, 再加埋閃閃嘅頭飾...又有一個新　look 喇, 嘩, 左場嘅人都超讚呢!!!真係好開心呀!!!

差唔多7點9 又開始繼續影埋剩低室嘅內景喇, 男朋友同我其實都笑到有d呆滯 lu... Edmond　又好有耐性咁氹我哋笑喇~ 好彩有個佈景叫做'蒜茸粉絲蒸扇貝' 真係笑死, 所以都回到魂, 可以　keep going!~

影吓影吓, 就影完室內景喇, 之後就係門出面嘅大心心喇~ 跟住就落反番落沙灘影埋放煙花同蠟燭燈夜景喇！～　哈哈，　當Edmond話最後一張嘅時候，　咁啱都係張SD Card Full　哂嘅時候, 連　Edmond　都話真係唔收工都唔得喇，　仲話好耐都冇影到咁夜呢，　嘻嘻！～　我哋互助握手道謝Edmond　同阿健，　真係辛苦哂啊, 當時都差不多9:15pm la～

急急腳就返去換衫拆頭，做咗一日公主, 好累嘅朝9晚9公主, 但其實好唔捨得呢～不過唔見 Lilian, 冇得同佢講唔該tim!~  除咗件girdle先覺得肚餓...然後去咗葵芳食腸粉同上海Noodle, 哈哈, 食食吓又撞倒 Lilian, 佢咁啱又去嗰度食, 真係連個天都知我想多謝佢呢!!! 道謝後我哋就帶住 very tired 嘅身軀返屋企 lu!~ 不過返到屋企洗衫時 Kenneth 先發覺漏咗件恤衫係換衫間room到...真係豬...下次入去先攞返啦~

 

再次多謝:

MUA Lilian - 幫我化咗靚妝同整咗咁多個造型!~

Camman Edmond - 瞓身演出, 爬高爬低, 雖然外表cool 但都 feel 到佢好有 heart, 影得唔ok 一定唔收貨要我哋retake, very 認真!~

助手阿健- 幫手搞笑, 攞嘢擺裙, 真係唔該哂!!!

Sales Loura - 由開單到影相...煩到佢嘔...不過都冇黑面, 仲好幫忙呢!!!

天公 - 多謝俾個好天氣我哋!!

 

約咗19/3 簡相, 不過都好茅盾, 有想d相靚, 又怕大出血...唔理喇, 不過一定要set 返個budget 先去, 哈哈!!!~