幾日前終於收到品果第一次執相 + 排版喇, 講起都興興o地!!!
之前交相時佢o地話大約一個月可以俾第一次執相 + 排版我o地 (我o地 12/6 交相), 咁應該係 12/7 前後會收到, 但係係 30/6 就收到佢o地小秘書話要 11/8 先可以發俾我...唔係 ma, 要成 2 個月? 等收相都用咗 1 個月啦, 無理由執相 + 排版又要用2個月啩? 即刻 send 返 e-mail俾小秘書 objection, 好彩佢都幫我 follow, o係返 11/7 send 返俾我, 唔係我一定去 fair 嘈佢!
好喇, 講返正題先, 第一次執相 + 排版就俾50分, 不過不失啦! 由於Kenneth 同我都唔算係超級有要求嘅，排版只要唔好老土就可以喇, 最大問題就係執相太太太 'hea' 喇, 我嘅肥手臂同 Kenneth 嘅包包面依然健在...所以最強烈要求正視嘅問題就係修手臂修面喇! 
以下就係 d 好好笑嘅 points:
1) 九宫格:
－中間嗰張係 2 個人 ga, 唔知點解 cut 淨 1 個人
－右邊嗰張馬馬俾人 cut 埋...
2) 12" 細相薄：
－有張相用錯咗, 同大相薄重複咗, 要改
－呢 2 張超’求期’...唔該重排...
－呢張更加唔知來想點...亳美感可言...都係唔該重排...
3) 18" 大相薄：
－呢張好好笑, 因為Kenneth 件衫爆鈕但冇執過, 另外我手臂似唔似 'Octopus'? 完全冇執過...But...Wakakaka, 笑c我！
－呢張最過份, cut 鬼哂上面同 2 邊嘅燈籠, 完全冇哂feel!
仲有其他問題不能盡錄...用咗 2 晚時間寫好comments send俾返佢o地修改 lu! 希望下次 好d 啦!
咩事無啦啦"變走" kennth??
回覆刪除我九宮格又係同你一樣的問題, cut走晒d馬頭, 放到個人鬼咁大, 我好想要番隻馬呀!!!! 執第2次都仲係隻馬無咗>0<
我覺得佢地好鐘意放到個人好大咁擺落本相簿度, 攪到cut走晒d景, 麗江係景靚嘛, cut走晒我又洗乜山長水遠去影呀~~~真係好激死。
by笨豬小慧simple
[版主回覆07/18/2011 15:52:00]應該係覺得佢個樣太'靚', 所以變走佢, wakaka, 等我嗰晚仲以為俾錯相品果tim...
係呀, 佢o地真係好鐘意放到個人頭鬼咁大ga, 但就ｃｕｔ 哂 ｄ景呀馬呀...可能驚人唔認得主邊個係新娘同新郎啩, haha!~
點解佢地做野咁馬虎了事,同好求其
回覆刪除[版主回覆07/28/2011 10:17:00]真係唔知呀, 無嘢講, 不過排版可以改, 但最驚係我見其他人話收到成品, but d質量完全唔掂...呢樣先係我最擔心喇...我真係無心機等佢寄嚟寄去， 我又要對嚟對去ar... side 哂大家ｄ 時間！煩!
我仲未有第一次排版呀,我因為係要上佢地office睇排版,本來小秘書話7月27號話可以有第一次排版睇,所以等佢地call我地上去,之後我就唔記左件事,到26號果日先記得,佢地仲未call我地,要我地自己打去揾佢地,佢地又話跟我地果位同事放假 ,要27號先call我地,到27號又話四川停電,又要等多兩日..比佢地吹脹,我睇左我朋友既排版,真係唔知點形容,我諗我都係唔好抱太大期望
回覆刪除[版主回覆07/28/2011 23:58:00]唉．．．咁混亂嘅 e, 點解你要上 佢地office睇排版嘅？ 唔係 send e-mail 俾你 地download 嚟睇 ga ma?
我好耐冇上blog, 一上來就睇到你地同sha的comment, 真係O咗, 估唔到會咁, 因為我地好忙, 所以7月頭先confirm相, 好明顯而家咩消息都冇...睇來係要去吹下佢先會有貨睇！ 但係你九宮格的情況真係太攪笑啦, 咁都得？我冇要到九宮格, 換咗入相簿的相呀, 可能咁就少樣野煩！
回覆刪除[版主回覆08/08/2011 10:35:00]係呀, 你快d催吓佢哋喇, 唔係佢哋要2個月先俾倒1st排版你ga! 另外我見有d blog 友都話相薄 quality 唔係好得, 所以真係要預多 d buffer 重造 ar... (一切以最壞打算...)