今日join 咗一個由國際新娘會攬嘅活動: 海天環抱維港綠色婚禮.
去咗山頂呢~ 今次活動好有意義, 係環保嘅婚禮, 其實係外國已經好流行, 而家係香港亦趨普及. 好啦, 等我同傻豬豬諗諗點係我O地嘅婚禮上+上環保嘅元素啦!~
由於得部傻瓜機, 所以唔係影咗好多相, 唯有等大會嘅相啦!!
山頂指定景點~
太陽好'哂'...
山頂睇日落好靚~
由於中午食咗好少嘢, 所以一走就直衝去食嘢喇~
呢件囍囍衫就係今次嘅記念品之一喇, 都幾靚GA~
咁又一DAY LU~
Kenden
2010年11月28日 星期日
2010年11月27日 星期六
靚婚紗晚裝
又嚟後補項目先...
就係靚婚紗晚裝喇, 話說本人同傻豬豬都比較lazy, 所以係想係一間shop入面, book 哂所有衫...
1婚紗+3晚裝+2男禮+1奶奶+1媽咪 = 8套
掛同馬掛: 諗住同中式禮服店租, 其實一心係想租cocoon潮掛嘅, 但試哂傳統掛同潮掛之後, 發覺原來自己係襯傳統掛多d, 因為潮掛著到我圓上+圓...
-----------------------------------------------------------------------------
經過幾個week不停咁睇同try...知道自己carry唔到魚尾款啦, 邊間店嘅服務態度啦. 因為冇即時confirm, 所以真係有d店係黑面ga (即刻black list)...
最終, confirm 咗 Charming Image, 因為各方面都平均, 價錢ok, 媽咪衫仲好靚tim !!! 決定新年前後去hold款, 哈哈~ 最後仲睇埋佢o地d中式, 都好新好ok, 所以仲租埋掛同馬掛, 一take 過, 唔駛煩!!!
所以一共租咗10套: 1掛+1馬掛+1婚紗+3晚裝+2男禮+1奶奶+1媽咪
又ko一樣喇~
靚場地
等我補返個場地先...
話說傻豬豬求完婚後 (6月30), 就請咗佢媽咪同家姐擇日啦, 2 個week後終於有日期, 咁我o地先去expo睇場地.
唔睇由自可．．．一睇就真係冇計囉, 嘩, d 人好跨張呀, 好多已經full咗, 我o地計過大約15-18圍 la, 不過唔係好貴 (min.charge 好高）就冇期...
最終就擇咗３個final 嘅：
１）跑馬地馬會
２）九龍會灣畔餐廳
３）博藝會帝后廳
跑馬地馬會由於地點真係太遠喇，又話而家已經冇得同馬馬影相， 所以場都冇睇又ｆｏｕｌ埋．．．因為怕一睇就愛上．．．
去咗博藝會先， 個場ｏｋ， 新娘房仲好大， 係上 ｌｉｆｔ 時嘅ｆｅｅｌ差ｄ， 其他都ｏｋ．．．不過由於其他２個廳都ｆｕｌｌ咗， 所以只係得返帝后廳， 我o地約15-18圍， 啱啱好～
好， 睇埋九龍會先．．．
話說九龍會都係係紅磡， 但係揸車就揸咗成個鍾先到．．．想點呀, 唔通真係咁唔熟路？？真係唔識形容， 個地點．．．好喇， 睇場先， 個細ｄ嘅場出面有條樓梯ｇａ，不過佢o地話條樓梯唔係佢o地九龍會ｇａwor...吓...???但係嗰場仲有2條好大嘅柱...同埋個格局好酒樓啊....哦...咁去睇吓個大d嘅場啦...又真係好大喎, 但係如果for 15-18圍, 咪好似好吉咁???同埋個門口...總好似怪怪o地, 唔係係正門...唔知點講...不過值得一讚就係service呀!!!雖然話一日未落訂, 個個sales都咁好ga la, 但係有heart嘅就真係feel到嘅!!! 好啦, 返屋企諗諗先~
-----------------------------------------------------------------------------------------------------------------
諗諗其間, 又去睇埋逸東酒店...金鑽full咗la, 得返其他廳, 左敦廳3尖8角...都係一般般...
-----------------------------------------------------------------------------------------------------------------
於是一個星期後, 就confirm咗博藝會喇, 不過佢o地好似知道呢日係好日, 唔優冇人book, 所以都r唔到d咩, 咩都要+$......唉, 算啦, 鬼叫遲book咩 (原來1年半前book都係算遲...) 一_一
2010年11月26日 星期五
...雖然功課好辛苦, 但而家回想起也覺得當時好充實呢!! 不過...個MASTER...遲D先算喇, 等我嘆吓先啦, 哈哈~
2010年11月20日 星期六
靚婚照 @ ClubOne (Private)
望穿秋水, 終於都收到 ClubOne 嘅相喇, 雖然係免費, 但都有成百幾張相相 ga, 質數都唔錯啦. 
同場仲見到 blog 友 Annie (佢咁紅同靚 , 梗係認得佢啦, haha...不過當時唔確定, 所以都係之後先相認 ar), 佢同男朋友好勁呀, 攞埋比賽嘅第一名呀, 恭喜恭喜!! 
而家同傻豬豬一邊睇一面大笑, 實在係太開心喇!
呢張爆笑之作...傻豬豬做咩 '豬' 到個咀咁長呀??? 嘩kakaka~
2010年11月19日 星期五
靚婚照 - 時間表
拍攝婚照時間表 (Update @ 2010-11-20) - 私有化
2010.10.7-- ClubOne by Joseph Photo
地點 :ClubOne (In door, @ 1 hour --> Free)
化妝 & 衫: 佢o地包 & Monalisa Sponsor
話哂都係我o地第一次嘅婚照, 難免有d生硬, 原來2個人對望, 真真真係好鬼好笑
仲未有相攞...期待中
2010.11.08 -- YProduction (3:00pm - 10:00pm)
地點 :機場+中環夜景 (Total @$2000, 唔計衫衫)
衫: 淘寶
化妝師: Dorothy (多謝只收車馬費嚟幫忙)
多謝哂 Ryan同助手, 仲有化妝師 Dorothy, 玩咗一日, 好累但好high呢!
未有相攞...期待中
2010.11.28-- 海天環抱維港綠色婚禮
地點 :Peak (Free)
化妝 & 衫: 佢o地包 & Vanessa L. Couture Sponsor
上山頂影婚照嘅機會真係唔多， 不過 join 咗一個由國際新娘會攬嘅活動, 就有呢個機會喇, 好期待呀...快D到28號啦, 哈哈~
2010.12.22 -- WM Law (Free - 9:00a.m. to 12:00 pm)
地點: Poly U + 尖沙咀海傍 & 海運大廈 停車場
化妝師: CarCar (要好早6:30am 到啊...唔該哂...多謝只收車馬費嚟幫忙)
衫: 淘寶
WM 好好人, d 相好靚, 遲D會再同佢傾同confirm schedule
2011.01.08 -- Max @ Maxi Production (Free - 3:00p.m. to 8:00pm)
地點 :石澳+1881夜景
化妝:佢o地包 (Eva??ＴＢＡ)
衫: 淘寶
Max同佢team人 (Veron, Eddie, Piano, Eva) very nice, 好忙但好有heart!! 原本係o係2010.11.07 影, 不過天公唔造美, 所以改咗呢日, 唔該一定要好天, 唔好再改喇!!
2011.01.17 -- Monalisa (Upgrade Coupon to LaMer)
地點 :LaMer + 馬灣
化妝:Monalisa
衫: Monalisa
個期改到傻哂, 終於決定呢日...要好天氣,順順利利呀!!
2011.02.26 -- Johnny Chiu's Team (Free - 2:00p.m. to 6:00pm)
地點 :石板街 + 赤柱
化妝:佢o地包
衫: 淘寶
唔該哂Johnny, 咁忙都預留一日俾我o地, 多謝哂!! 都係遲D會再同佢傾同confirm schedule
2011.04.26 & 27-- 品果
地點: 麗江
化妝 : 品果
衫: 品果
好難先氹到傻佬倍我去, 就當去埋旅行啦, 哈哈!! 一定一定要影雪山, 暫定路線如下:
第一日：玉水寨 --束河古鎮---油菜花田-- 玉柱擎天--- 黑龍潭公園---拉市海及黃昏 (騎馬)
第二日：
玉龙雪山 , 蓝月谷, 雲杉坪, 白水河, 甘海子, 丽江古城夜景 (放水燈)
都係嗰句啦...唔該一定要好天呀, 雪山快d開番啦...
多謝傻豬豬陪我顛喇!!
2010年11月17日 星期三
訂閱：
文章 (Atom)