Good Luck!

今日係最後一日產前 working day (係咪好勤力呢?) 其實係個 temp. 太遲先請, 攪到我咁遲先有假放!

明天一早就入院準備, 星期4開刀生 BABY 黃喇!  好快見到 BB 喇, 唔知似DADDY 定 MAMMY呢 (o係呢2 日, 我會好好記往BB 係肚肚裏郁嚟郁去, 卜卜心跳嘅感覺!!! 講到有D想喊 tim)？

期待呢3 個月嘅ML, 希望開刀之後唔好咁痛, BB 乖乖成長, 健健康康, 我就心滿意足喇!

開心Share 第三輯大肚相

第三輯大肚相好快已收到喇, 真係唔該阿 CROW 借埋屋企俾我影相相!

仲有KAZ 幫我化妝, 好開心呢!

呢輯會有D SEXY, 為免大家見到'團團肉'食唔落飯, 都係POST 小D SEXY 嘅相啦!


SWEET SWEET! 扮SWEET!

 

呢張好似好溫柔咁... 其實咩都聽唔到, haha!~






呢D係正D嘅常POST:

多謝欣賞!

36週

今日係36週喇, 腳腳開始腫腫哋, 個人重咗好似好輪盡咁!
























呢2 個WEEK 裏面, 最擔心嘅消息就係證實咗自己係胎盤前置第三期, 睇嚟都唔會升喇…不過係要由仁安轉返去威爾斯生, 因為仁安要我簽30萬保證金 (即叫我退訂)…私家醫生都同我哋分析過風險, 話有人試過埋單廿幾萬, 有咩嘢都係俾返政府跟…算啦, 政府都會幫我開刀, 政府都有政府好, 疊埋心水享用吓納稅人嘅 benefit 啦, 橫掂冇哂雙非! BB最緊要, 而家定咗8月1 日開刀, 希望順順利利利啦, 加油呀!!!

另外就係上星期二威爾斯產檢, 可能太緊張, 攪到血壓狂升...結果梗係俾人捉咗入院瞓咗晚, 好彩check 完冇咩嘢, 第二日就走得, 不過係醫院真係好累ga, 因為真係好嘈, 瞓吓醒吓咁...不過醫生同姑娘都好好人, 仲有靚床位!  



不過d飯又真係幾難食...係無味ga  

34 週 + 影大肚相!~

 

好快又已經34週喇!~

時間突然過得快好多, 希望可盡努力係呢段'沖厠'期攪掂D 'LUM SUM' 嘢啦!

BABY 黃呢排好似重番D, 醫生話 within limit, 不過我胎盤低, 所以要 KEEP MONITOR...加油呀BABY! 

不過最唔開心嘅就係我嘅肚底已經爆紋爆到7 彩喇...呢獲真係無眼睇喇...老公話好事嚟, 即係呀B 有大到呀...雖然傷心, 但唯有咁諗啦...我已經好努力搽CREAM + OLIVE OIL 喇...都冇USE, 唔理喇...希望生完會淡番啦...AH...

另外都開始影大肚相喇, 一共會影 3 輯, 第 1 輯 7 月頭同30個8 月媽媽一齊影 (未GET相)~

上星期6影第2輯, 搵咗 CHRISTY 幫手化妝SET 頭!~

好似做番新娘子嘅感覺, HAHA!~

 

見有時間,  同老公去咗清水灣影吓相先, 不過晒到暈!~

影咗幾張就閃人喇, 驚個妝溶呢!



跟住就去影樓影, 呢個係團購買的 (Piggy Ducky Studio), $498 (星期6貴 $200), 有20張相.
 
下星期先簡相, 唔知影出嚟得唔得呢?

 

玩咗成日, 累到傻咗, 不過好好玩...期待下星期再影, 有相再share, haha!