恭喜發財!

恭喜發財!

今年係第一年要封利是呀, 好緊張呢！利是一夜間已經入全部ready!

希望收到嘅大小朋友都會開開心心啦!~

祝大家身體健康，龍年行大運！yeah!

商戶評分 @ Sans Deco

 

商戶評分 @ Sans Deco --> (10個滿分)


Sandy 真係無得頂, 幫我呢個煩友整到個場超級靚超級grand, 而且人又nice, 次次回覆都好快, 交俾佢做真係好放心! 所有朋友都讚口不絕, 不枉我年半前已經book佢! 


**Book咗 Sandy 嘅朋友, 恭喜哂你哋, 因為 Sandy 真係俾足你一百萬個放心ga!**


~Backdrop:
現場睇好似好淺色, 不過影相又ok 喎! Like it so much!!!

大會相仲未收到, 但唔該哂Sandy send 番d 相俾我 for reference呢!~

~Reception Table / Photo book table / 油畫架 (襯返哂ga!):

~Photo Area: (好靚ga!)

不過好似唔係多時間o係度影...我唔制呀...

 

~Welcome board:


由於唔捨得掉哂d foamboard, 所以最後佢哋嘅下落...就係做哂屋企嘅wall paper 喇, c未, wakaka!!!

商戶評分 @ 出門酒店 (Habour Grand Kowloon)

**由於大部份相相都未收到,  所以寫d有相又寫到嘅先啦~

商戶評分 @ 出門酒店 - Habour Grand Kowloon 九龍君綽酒店 -->  (10個滿分)



Book 呢間酒店出門真係好good, 行5-10分鍾就到博藝會, 而且又就近tst, 攞嘢還嘢都好方便呢!

出門 book 咗 seaview suite, 仲有香檳, 古古力同生果送, 認真唔錯!~




是晚4個姊妹瞓埋同一張bed 都唔迫 ga, haha!~

之後嘅一晚係博藝會送嘅standard room, 原本叫咗 Daddy同細佬等我哋出門後幫手pack 好d嘢等轉room, 但早上就收到佢哋 call 話得知我哋係結婚use, 就 free upgrade 我哋當晚用返 same suite!

Yeah! 實在太好喇, 即刻開心到彈起! 而老公就最happy, 因為佢之前仲話自己冇得住suite tim! 仲唔使執嘢, 真係好正! 所以我哋就用咗一晚suite 嘅價錢入住咗 2 晚 suite 喇, 超lucky! 而且所有服務生都好nice, 真係唔錯呢!~

靚靚嘅海景, 長長嘅樓梯, 多謝老公滿足哂我嘅願望!~

商戶評分 @ 博藝會

商戶評分 @ 博藝會 -->  (10個滿分)


其實開頭預15-16圍, 要搵包場嘅地方唔易, 而且我哋唔算早book, 好多地方都full了!~ 其實博藝會都係得返帝后廳avaliable, 見佢最多可以擺20圍, 冇太多比較下都booked la!

簡係博藝會擺酒, 真係一個冇錯嘅決定! (除了地點外, 不過其實黃埔而家都好方便, hehe!) 場地真係好靚呢! 但之前圍數加到20圍, 今到我真係好擔心會太迫ga,  不過好彩最後都係擺咗18圍, 啱啱好good fit!

而主家席係食素嘅, 再+上當晚我當晚都冇咩食過嘢, 不過哂聽返賓客d評語就係食物同service都唔錯, 咁都安心d! 你知啦, 賓客覺得最重要就係食物ma!

而服務我嘅所有人都好友善, 特別係宴會部阿JIM, 第2日收番d物資都好nice, 仲幫忙搬上搬落, 抵讚!

扣咗一個係因為老公話佢前一日放嘢係嗰度嘅時候冇人理佢, 等咗好耐, 同埋佢哋收咗我哋order 嘅紅酒竟然冇數, 要我哋問先話數返, 可能真係太busy啦!~

不過依然值得推介!!!