開心Share 第三輯大肚相

第三輯大肚相好快已收到喇, 真係唔該阿 CROW 借埋屋企俾我影相相!

仲有KAZ 幫我化妝, 好開心呢!

呢輯會有D SEXY, 為免大家見到'團團肉'食唔落飯, 都係POST 小D SEXY 嘅相啦!


SWEET SWEET! 扮SWEET!

 

呢張好似好溫柔咁... 其實咩都聽唔到, haha!~






呢D係正D嘅常POST:

多謝欣賞!

36週

今日係36週喇, 腳腳開始腫腫哋, 個人重咗好似好輪盡咁!
























呢2 個WEEK 裏面, 最擔心嘅消息就係證實咗自己係胎盤前置第三期, 睇嚟都唔會升喇…不過係要由仁安轉返去威爾斯生, 因為仁安要我簽30萬保證金 (即叫我退訂)…私家醫生都同我哋分析過風險, 話有人試過埋單廿幾萬, 有咩嘢都係俾返政府跟…算啦, 政府都會幫我開刀, 政府都有政府好, 疊埋心水享用吓納稅人嘅 benefit 啦, 橫掂冇哂雙非! BB最緊要, 而家定咗8月1 日開刀, 希望順順利利利啦, 加油呀!!!

另外就係上星期二威爾斯產檢, 可能太緊張, 攪到血壓狂升...結果梗係俾人捉咗入院瞓咗晚, 好彩check 完冇咩嘢, 第二日就走得, 不過係醫院真係好累ga, 因為真係好嘈, 瞓吓醒吓咁...不過醫生同姑娘都好好人, 仲有靚床位!  



不過d飯又真係幾難食...係無味ga  

34 週 + 影大肚相!~

 

好快又已經34週喇!~

時間突然過得快好多, 希望可盡努力係呢段'沖厠'期攪掂D 'LUM SUM' 嘢啦!

BABY 黃呢排好似重番D, 醫生話 within limit, 不過我胎盤低, 所以要 KEEP MONITOR...加油呀BABY! 

不過最唔開心嘅就係我嘅肚底已經爆紋爆到7 彩喇...呢獲真係無眼睇喇...老公話好事嚟, 即係呀B 有大到呀...雖然傷心, 但唯有咁諗啦...我已經好努力搽CREAM + OLIVE OIL 喇...都冇USE, 唔理喇...希望生完會淡番啦...AH...

另外都開始影大肚相喇, 一共會影 3 輯, 第 1 輯 7 月頭同30個8 月媽媽一齊影 (未GET相)~

上星期6影第2輯, 搵咗 CHRISTY 幫手化妝SET 頭!~

好似做番新娘子嘅感覺, HAHA!~

 

見有時間,  同老公去咗清水灣影吓相先, 不過晒到暈!~

影咗幾張就閃人喇, 驚個妝溶呢!



跟住就去影樓影, 呢個係團購買的 (Piggy Ducky Studio), $498 (星期6貴 $200), 有20張相.
 
下星期先簡相, 唔知影出嚟得唔得呢?

 

玩咗成日, 累到傻咗, 不過好好玩...期待下星期再影, 有相再share, haha!

30 週

唔經路覺, Baby 黃已經係我肚肚裏30 週喇!

你要加油健康長大呀! 日日雞蛋牛奶芝士, 但願你乖乖吸收啦! 

P.S. 附上團團肉照一張, 好肥呀, 冇眼睇!

擔心擔心...加油呀心肝!!!

尋日26 WK1 DAY, 又去咗張智醫生診所產檢, 依舊係咁多人... 一等就等咗個半鐘, 終於有得見 BABY 黃...

SIZE 差不多, 不過 BABY 黃 體重偏輕...自己胎盤仲係低...唉...好擔心TIM...唯有食多D, 休息多D, 希望 BB 乖乖長胎啦!

BABY 黃 加油呀, 媽咪對你唔住, 俾個衰瘤霸咗子宮好多位同營養...媽咪知你已經好努力, 你要再努力D爭嬴佢呀!!!

送上BABY 黃 4 D 照一張, 媽咪好愛你啊!

***給BABY 黃的話: 媽咪知你好乖, 好叻叻, 你每一踢媽咪都好窩心, 媽咪同你一起加油努力!!!

'Baby 黃' 在肚肚中!~

停咗寫Blog 成4個幾5個月, 因為實在太懶喇!~

今日起要的起心肝, 繼續執筆!

太懶嘅原因係由於太累...太累嘅原因係由於肚肚中多了一個 'Baby 黃' 呢!

'Baby 黃' 而家已經差唔多25週大喇, 喺呢25週中, 雖發生咗d小小嘅插曲, 更令我感覺到 Kenneth 對自己嘅愛同包容, 同埋只要 'Baby 黃' 健健康康, 就所有嘢都不再重要了! 而家無時無刻都感到 'Baby 黃' 郁郁吓, 幸福之餘亦同時咸到生命實在係太奇妙喇!

'Baby 黃' 你要努力長大, 而我都會努力學習, 做一個好媽媽!!! 

(同時都要o係度感謝我親愛又偉大嘅媽媽!!! )

一週年喇!~

說時遲, 那時快, 話咁快就一週年喇!~ 大婚當日嘅片段仲瀝瀝在目呢!~

當晚去咗傳說中好浪漫嘅 Amigo,  食物同氣氛唔錯呢!

難得仲有花花收!~

多謝老公呢年嘅愛錫!!! 愛你愛你愛你!!!