Kenden媽 ~ Leona之家

2011年8月9日星期二

Monalisa 睇相篇 @ 北潭涌郊野公園

收到相之後真係日睇夜睇, 好變態, hehe!~

d 遮遮相唔捨得唔要呀, hehe...

仲記得D水超凍呢...

2011年8月8日星期一

Monalisa 收相喇!~

等咗 4 個月嘅 Monalisa Pre-wedding Photos 終於係日前收貨喇!~

一放工就飛奔返屋企, 因為司機已經到咗!~ 呢幾日Kenneth 出差都唔係度, 所以唔等佢 lu, 都係拆哂佢哋 check check 先安全d!~

大合照:

Quality 都唔錯, 果然一分錢一分貨, hehe!~

不過張簽名布超短law, 同埋有d 係相薄嘅相 cut 到怪怪的...仲有係 Kenneth 個樣超好笑, 有d 好英, 但有d 好肥, haha!

下 blog private 再share 相相啦!~

2011年8月7日星期日

出嫁喼 @ Samsonite

終於都買咗個靚靚出嫁喼喇, 其實之前睇過但睇唔中, 而且咁啱呢排個喼爛咗, 成日問細妹借喼好鬼煩, 所以就快 d 買咗佢算數lu!

個中size Samsonite 我 '喉' 咗好耐 ga la! 我唔鍾意硬喼因為好鬼重, 而呢款就係布喼中最輕嘅 style, 仲有迷人嘅 '紫色' tim! 　超愛呢! 做出嫁喼一流呀, hehe!　

仲一買買埋個大size, 遲 d 去 honeymoon 都冇問題!

雖然銀包好傷, 但好開心, 有10 年保養, 應該 ok 啩, haha!~

2011年8月3日星期三

第二份金器 from 未來老闆

大家唔好誤會又有老闆買金俾我呀 (雖然我都想), 而呢個老闆就係我嚟緊真真正正嘅老闆...Kenneth 大人喇, hehe!~

唉...d 金真係升到唔識停, 顛咗, 日日都創新高... 攪咩鬼結婚先嚟狂升 (想爆粗...)... 都唔知點攪, 越睇越升, 睇嚟仲有排升...

同 Kenneth 終於都忍唔住, 走咗去買金豬牌喇, 因為老闆好耐之前已經應承買俾我嘅!~ 我哋嘅目標係可愛嘅豬豬, 不過係 budget 中, 豬豬嘅 size 已經變得越嚟越細, 越嚟越薄喇...

試咗幾款:

最後2強:

估吓買咗邊條? HEHE, 答案係問題中!~

多謝未來老闆!!! (嗰日金價16280, 已經好好好貴...估唔到今日係16930...crazy...好後悔好後悔冇叫埋阿媽去買...)

另外Kenneth 'chok' 到我未來62 & 99 話已經買咗對龍鳳鐲喇, 真係好感動呀! d 金咁貴都照買俾我, 就知道你哋真係好鍚我!　多謝你哋為我做嘅一切啊。。。！！！　

2011年8月2日星期二

囍帖篇

一路都覺得囍帖冇咩所謂, 都係 inform 親戚朋友宴會地方同埋時間, 而且睇完都會去咗垃圾桶, 不是一項值得花多錢嘅項目...

不過最近搵番博藝會張帖出嚟...但又真係好似幾核突...金色ok, 不過做咩有個咁大嘅 '請' 字係面 ga...??? 盲嘅都睇倒...唔知想點...

連 Kenneth 都話核突...所以都係出去金都睇睇先! 嘩...好貴呀, 就算普普通通嘅都要10 蚊 8 蚊, 仲要冇包信封 ga...mmm...不如淘寶算數啦...不過唔知質數係點, 始終有 d 擔心...

見到 blog 友 Simple 話原來筍崗立興都有帖印 ga, 價錢又唔貴, 咁星期 6上去順便睇埋啦! 　佢哋都有好多款帖ga, 有 d 係金都都見過, 熟口熟面! 見 Simple介紹過o個款又 ok 喎, 我哋 2 個都係睇中，大大張夠大體，有個通花 '囍' 字, 仲有埋珍珠紙, 熨埋金 (Standard 字）, 有埋紅色信封, 都係RMB 3.2張, 抵!

唯一嘅問題就係 'Pink' Color, 不過我哋討論咗一陣, 而嗰度都冇邊款靚過呢款, 同埋價錢又ok, 費事又睇嚟睇去, 所以都訂埋喇! 我哋預印 250 張先, 確實數量遲 d 再cfm啦! 印250 張要加 total RMB150, so RMB3.2/pc x 250 + 150 = RMB 950, 講一論價後就以 RMB 900 成交 la, 圍返 RMB3.6/pc (HKD 4.5/pc), 都可以啦, 如果用博藝會張帖印牛油紙都要問過最平都要＠HKD700-750 per 250張, 咁而家都唔係貴好多就有張靚帖, hehe!~

老闆話俾 info 佢, 隔日就有排版, cfm 排版之後就一個 week 可取 (去返筍崗立興攞) ~ 咁到時有咩買漏都可以行多轉補補貨，yeah, 又攪掂一個 task!~ (雖然只訂咗, hehe)!