成都麗江昆明pre-wedding之旅 - Day 5 (Private)

27/4

今日係 Kenneth 生日呀, 祝你永遠都開開心心, 健健康康, 賺多d錢啦!

自己打的去品果宿舍, 8:45am 倒就到喇, 沿途睇吓個雪山先......冇尋日咁清, 有d 霧咁啦...開始有d擔心, 不過 Kenneth 話而家咁早, 陣間會散 ga la...哈哈, 希望啦!

                       

換完衫又開始化妝, 好快又攪掂!~

                           

我哋仲驚今朝無早餐食, 所以係路上買咗2個杯麵, 諗住一路化一路食tim! 不過嬌嬌話會去食早餐先出發, 所以杯麵就梗係唔食住啦!~ 仲見到對香港朋友, 原來係blog友 BilleBYE

10點幾出發, 食個大碗麵先, 佢哋話今日會冇午餐食呀因為唔夠時間~

                               

食完嘢, 買埋樽氧氣, 就開始去雪山喇! 搭咗一陣車, 去到雪山山腳, 剛哥就指住個山脈位話我哋知, 今日去雪山一定冇問題, 因為o個山脈位好清(佢哋就係睇呢個山脈位估計雪山上嘅情況)! Yeah!!! 雖然都有山頂好似 d 雲, 不過佢講聽完之後, 即刻放下心頭大石, 好開心, 嘻嘻!!!

 

第1站: 玉龍雪山

好快就到索道喇, 買咗ticket, 就坐纜車上去喇!

           

纜車行行吓, Kenneth 突然大叫' C 喇...' 嚇得我, 咩事鬼殺咁嘈? 原來佢漏咗樽氧氣係車度......俾佢哋笑到面都黃, 叫我哋返落去先吸, or 佢幫我人工呼吸...玩嘢! 不過見你生日, 唔話你喇, 到時睇吓咩情況先啦! 誰不知架 C 人纜車開得鬼 C 咁快, 真係好快...貶吓眼就到喇...一落纜車, 身處海拔4千幾米, 唔知係咪心理作用, 真係 feel 腳仔有d 軟...唯有撐住啦...

真係冇鬼用, 行到唔夠一半已經係咁跌低......正確應該係行2步, 跌1步......唔得喇, 頭暈暈要抖抖 la, 仲開始埋怨 d人冇攞氧氣 (其實唔知有冇用)!!! 好彩尋日買定咗 d 朱古力, 所以嬌嬌叫我隊咗 d 先, 果然好神奇, 隊完一陣之後真係好 d, 起碼清醒 d, 可以繼續行! 終於上到影相嘅地方, 再抖抖, 就開始喇!

         

自己嘅嘅 cake cake & doll!~

好在冇咩風, 所以都冇想像中咁凍呀! 不過個天色開始轉喇, 你睇呢邊舊黑雲幾大...

          

但呢邊仲係陽光普照...

           

爭取時間, 影影影...開始覺得凍...最凍係攞雪嚟拋, 真係攪到隻手冇哂知覺...黑雲越嚟越大喇, 攪到成個天都黑哂喇, 雲好厚...

          

所以剛哥就話不如係雪山影多 d, 唔好去雲杉秤喇, 因為冇太陽嗰度唔會影得靚...哈哈, 當時頭腦唔係好清晰, 又凍, 所以又係是但啦, 不過而家諗返就應該要去埋, 因為第日唔會再去 ma...

影多一陣之後, 仲做咗好多人嘅佈景板...終於可以收工, bye bye 玉龍雪山喇! 但係另一個挑戰係點樣落山喇, 因為真係冇哂力...剛哥同吳迪仲鬥快跑落山...我仍舊行2步, 跌1步, 腳仔冇哂力...於是經嬌嬌鼓勵下, 我哋就'sir' 落雪山, 無錯, 係著住套禮服 'sir' 落雪山ga, 真係爽+笑 C...

影張到此一遊大合照先! Yeah!

         

返到車就瘋狂地吸氧氣喇, 有人俾人怒' BEAR'...                     

               

好快又到咗下面幾個拍攝地方, 佢哋都o係係雪山週邊 ga~ 而且景色都好靚呢! 轉頭中...

          

第2站: 藍月谷

            

第3站: 白水河

           

第4站: 浴液湖

            

嘩, 真係行多幾步都索氣, 剛哥一聲'最後一張', 就結束今日嘅行程喇! 返佢哋宿舍途中仲落起雨 tim...原來我哋真係好好彩呀! Around 4 點倒就返到喇, 換好衫, 約埋大家今晚食晚飯, 同品果宿舍 say goodbye, 我哋就返客棧 'hea' 吓先! 睇吓幾厚雲...

              

大約6點再出發, 今晚去花馬街打邊爐+ 食斑魚!

           

真係好新鮮呀, 斑魚仲可以當刺身食, 正到暈...強烈推介!!! 雖然食素嘅 Kenneth 冇得食, 不過佢打邊爐都打得好開心! 仲傾咗好多嘢, 原來剛哥今年年尾OR出年年頭會結婚呢! 真係恭喜哂! 所以佢會係2/5 返成都喇, 之後未知會去邊ar, 不過佢好似想留返係成都多d呢!

特別節目就係食cake 喇, 一早就拜託品果幫手定 ga 喇, 真係唔該哂大家!

         

食吓傾吓, 好快又10點喇, 係時候bye bye 喇! 再次多謝你哋呀!

我哋就拍吓拖影吓相慢慢行返去, 輕輕鬆鬆, 放假真係好開心! 今日行程就此結束，　雖然好似冇咩suprise, 不過都希望你都覺得開心啦！好多多謝你成日陪我'顛'呀!!!

           

成都麗江昆明pre-wedding之旅 - Day 4 (Private)

 

26/4

終於嚟到品果pre-wedding嘅第一日喇, 今日好好天呀, 好開心呢!! 李剛尋日原本話會叫 driver 車我哋去佢哋宿舍, 叫我哋9:30am係街口等, 點知行行吓就見到李剛... 哈哈, 原來driver 有d事趕唔切嚟, 所以佢就親自過嚟接我哋搭的士去喇, 認真俾面! 沿途仲見到玉龍雪山個真身呀...今日冇雲遮住佢, 所以好靚仔, 不過我哋唔係今日上去, 所以希望聽日都咁好天啦!

好快就到咗品果宿舍喇, 今日有4對新人影相呢, 由於呢排係旺季, 所以日日早上都咁熱鬧呢!  換完衫嬌嬌就開始幫我化妝喇, 第一套係著自帶嘅旗袍同唐裝衫!~

            

嬌嬌超快手呀, 係我試過咁多個MUA中最快手嘅一個...個令鍾就攪掂個妝+頭, 而且都好靚呢, 好有古典氣息!~ 之後輪到Kenneth 化喇, 嬌嬌話佢個頭好容易攪, 因為d頭髮自動會彈起...笑 C...

         

撞番 Edith 同 Martin, 梗係影番張相先啦!!! 一切ready, 正式出發!~

           

我哋嘅拍攝團隊: 攝影李剛 + 打燈吳廸 + 化妝嬌嬌 (**特別多謝嬌嬌同我哋影咗好多拍攝花絮呢)

~相相 all from my 傻瓜機~

 

第1站: 大研古城

           

嘩, 好靚呀, 睇哂 d 屋頂ga! 真係好好太陽, 好溫暖, 我就連暖包都冇貼呢! 剛哥好鬼攪笑, 成日逗雞眼引我哋笑, 哈哈! 套衫都好sharp好襯呀, 佢哋個個都讚, 仲問我哋結婚嗰日會唔會著返呢套tim, haha!

       

 

         

 

         

呢度影吓, 嗰度影吓, 話咁快就影到差唔多1點, 又係食午餐嘅時間!~ 佢哋帶咗我哋去食川菜, 應該佢哋嘅係飯堂la! 都唔錯呀, 百零蚊, 都好好味!!! 之後就返宿舍換衫轉頭喇!~

          

 

第2站: 唔知咩地方, 有空曠嘅草坪+雪山遠景

        

雖然唔知呢個係咩地方, 不過影吓影吓, 又影咗好多...條石牆仲差d俾我整到倒塌, 嚇c...

         

 

第3站: 玉柱擎天

 

         

大家仲記唔記得木王(山寨王) 呢? 呢度就係佢度假嘅別墅喇, 幾識嘆!~ 不過呢樹好多蚊仔...好討厭呀...

            

影完後, 轉埋頭同換婚紗, 向油菜花田出發!

 

第4站: 油菜花田

好好彩, 仲搵到靚靚嘅油菜花田, 不過當地人而家好醒, 已經慢慢改種一 d 種係唔開咁多花嘅油菜花, 咁就可以避免 d 人成日行入去花田踩爛哂 d 花花喇...所以真係要識搵先得!

          

第5站: 拉市海

天色好好, 太陽伯伯仲高高掛! 拉市海景色真係好靚, 冇想像中咁多'市', hehe!~ 剛哥好快就拖咗2隻馬馬嚟喇~ 原本想要白色馬, 不過佢哋話白色嗰d 唔乖, 成日郁嚟郁去!  哈哈, 唔知真定假, 所以又是但啦!~

上馬時唔小心坐到個頭紗甩咗, 所以都係之後先加番!~ 我隻馬馬真係好乖好乖呀, 仲郁都唔郁, 開頭Kenneth 係咁撩佢食草, 但後尾嬌嬌話見佢瞓咗wor, 好攪笑! Kenneth 話feel到佢隻馬馬係咁震...我心諗, 梗係啦, 你咁有'份量', 真係登佢'慘', hehe!~

        

             

落地後加番頭紗又影, 又去船仔影, 好快我哋就攪掂, 執堆嘢又返宿舍換衫轉頭喇, 因為之後要影夜景呢!

         

         

第6站: 麗江古城夜景

換完衫轉完頭都仲係6點幾7點, 個天仲未黑, 所以就去咗食晚飯先! 原本話去束河古城影, 不過我要放水燈, 所以就要係麗江古城呢邊影喇! 今晚都食川菜, 都幾好味, 又係百零蚊, 超抵!

            

8 點幾開始影, 好開心呀, 因為還咗放水燈嘅心願!~ 大家咁夜仲好認真, 令我覺得好感動呢!

                

最後影到9點半倒, 笑都笑到'硬'哂, 剛哥一句'今日最後一張', 大家都好開心, 因為可以收工!~ haha!~ 同佢哋bye bye 後, 我哋都返客棧喇, 因為要早 d 休息迎接聽日雪山嘅挑戰!!! (今晚好叻, 冇再蕩失路...) 不過我當然識做, 就係等埋12點, 同 Kenneth倒數埋生日先瞓啦, haha!~ 祝你今年搵多d (然後俾哂老婆), 同埋身體健康啦! hehe!~

成都麗江昆明pre-wedding之旅 - Day 3

 

25/4

影返半步多客棧門口同陽台先~ 由於間房太近條樓梯...所以7點幾就被嘈醒, 不過梗係再瞓過啦! 之後就成10點幾先捨得醒, 11點幾正式出發! 今日天氣都唔錯呀, 唔太熱唔太凍!~

 

        

食碗 '過橋米線' 先!

           

 

 

半步多老闆介紹去'木府', 話可以知多d麗江嘅history, 我哋冇咩所謂, 所以就去咗喇!話說木王係麗江嘅山寨王, 土皇帝咁上吓啦 (因為冇留心聽), 都幾大ga!

       

行咗一陣, 上到平台, 就見到好多屋頂喇, 好靚呢!

       

抖咗陣, 又要繼續喇, 經過個'獅子山公園', 再上'萬古樓', 行到索哂氣...好多級樓梯ar...想c...

 

        

 

終於到喇, 仲可以睇哂成個麗江嘅景色, 都值得一上啦! 不過見到玉龍雪山俾好大舊雲遮住咗, 好擔心後日都係咁呀...不過都唔擔心得咁多, 唯有聽天由命啦!

 

         

 

跟住落返去, 原來萬古樓'嘅第2邊就係古城喇! 跟住我地又一路行一路買吓嘢食吓嘢, 真 happy!

 

        

 

約咗 camman 李剛6:30pm係客棧傾拍攝細節, 佢同化妝師嬌嬌一齊嚟, 原來今日要決定上唔上雪山呀, 決定去就一定要去, 唔去都要俾$呀, 因為要 book 車, 我地仲想睇埋明天點先決定都唔得...唉, 佢仲話前幾日天氣都一般, 所以好多人都唔上呀, 唔......不過我嚟麗江都係因為個雪山...好, 上就上啦!

 

傾咗大半個鍾就撹掂, 抖抖之後8點倒就再出去繼續行喇!~ 未肚餓不過有D累喇, 所以去咗間沐足店沐足, 哈哈!

沐完足都成10點幾, 有d肚餓,為免瞓唔著, 都係食d嘢, 見有間麵店未Close, 就食佢啦! 不過味道 一般啦...

          

可能我哋食得太飽, 所以好樣衰...又蕩...失...路...喇.........真係'邪', 返客棧條路點解又唔見咗ga????? Help!!!!!!!....下午仲好地地返到去...好無奈...結果要行返原點, 由頭行過...最後浪費咗45mins先返到...執埋嘢攪到成2點幾場先瞓...唉...好 low B....

聽日影相喇, 好緊張呢!!! 希望一切順利啦!!! 而之後2日品果pre-wedding內容會私有化喇!