24/4
今日嘅節目o係睇熊貓同去錦里, 9點幾去咗食早餐 (冇嘢好食+好難食嘅早餐), 然後再返房攞埋行李, 就 check out la! 行李寄係酒店, 返嚟先攞返!~ 10點幾出發到熊貓基地!
11點倒到喇, 今日天氣好熱啊...熊貓都懶散的攤係度, 'lur' 吓 'lur' 吓, 我就諗...唔知有冇人同仔佢哋沖涼呢? 好似隻隻都咁污穢, 變哂灰色的, 唔係黑白色, 係黑灰色ga...
呢隻最生蜢, 追住camera走嚟走去!~ So cute!!!
仲有熊貓bb, 佢哋係黑白色ga, haha!
小熊貓:
行吓 'hea' 吓, 大約點幾坐車去錦里!~ 錦里好多人呀, 而且都好有特色, 今我更期待麗江呢~
買吓嘢, 食吓嘢, 又係時候講 bye bye, 因為要4點返羅亞攞衫, 再返酒店攞行李, 再等品果driver 5點送我哋去機場!~ 之後仲join埋另一對同班機嘅新人, Edith and Martin 一齊去機場 la!~ 哈哈, 傾傾吓, 原來我哋都係今年1218結婚呢, 好'橋'呀!~ 佢哋影25/4 + 26/4, 所以我哋係26/4會再見面呢~
7點半嘅機係8點倒終於開出, 9點半倒到麗江喇! 落機後都順利搵到客棧接機driver (客棧嘅人, 不過冇問佢同老闆咩關係ar), 馬上返客棧喇 (已經10點倒)~ 不過機場出去條路仲整梗, 好'巔岥'...
大約10點9到到半步多客棧喇, check in 後放低行李先, 間房尚算企理, 不過個好似toliet有d smell...又話有露台...原來係出面...不過都係算啦...
見肚仔餓餓哋, 我哋梗係出去行吓, 睇吓有咩食啦! 頭先個客棧Driver 好好人帶我哋出去, 估唔到咁夜, 出面仲好熱鬧呢~
雲南十八怪嘅豆腐, 好好味啊!!!
好喇, 食飽就返去喇...不過點解...點解行嚟行去都搵唔到返去條路??? 由於半步多距離夜市嗰邊係有段路程, 但我哋行嚟行去...都唔知點行返去...唉...都要去問問人, 但好似 d 人都唔係好清楚...有位太太好好人呀, 雖然佢都唔肯定, 又拖住個BB, 但都同我哋行返轉頭, 一齊幫我們搵路, 真係好多謝她!!! 佢幫我哋收細咗個範圍...同埸又撞倒一對蕩失路嘅姊妹, 我哋仲一齊研究麗江地圖tim, 諗起都好笑!
最後, 終於搵返條生路, 成功回到半步多...攪咗成日, 2點幾終於可以瞓...好在第2朝唔使早起身...hehe!~ 聽日繼續啦!~
!!!